- Ստեղծվել է շուրջ 25 տարի առաջ` պատանեկան դրամատիկական ստուդիայի հիման վրա:
- 25 տարիների ընթացքում նախնական թատերական կրթություն է տվել 4-15 տարեկան երեխաների, որոնցից շատերը հետագայում ընտրել են դերասանի մասնագիտությունը:
- Ուսման տարիների ընթացքում երեխաները ուսումնասիրում են հետևյալ առարկաները`
- Դերասանի վարպետություն
Համակարգված վարժությունների և խաղերի շարք նախատեսված երեխաների ստեղծագործական ունակությունների բացահայտման, ուշադրության, երևակայության, հիշողության զարգացման համար:
Անհատական և խմբակային իմպրովիզացիաներ առաջադրված թեմաների շուրջ:
- Բեմական խոսք
Շնչառական, ձայնային, արտասանական վարժությունների շարք` երեխաների խոսքը առավել արտահայտիչ դարձնելու համար:
- Բեմական շարժում, պար (դասական)
Առաջադրված հանգամանքներում առավելագույնս արտահայտիչ շարժվելու, մարմնի պլաստիկայի, ռիթմի և կորդինացիայի զարգացմանն ուղղված վարժություններ:
- Թատրոնը կազմակերպել և շարունակում է կազմակերպել վարպետության դասեր (master-class), բարեգործական ներկայացումներ Հայաստանի մանկատների և սոցիալապես անապահով երեխաների համար:
- «Փոքր թատրոնն» իր ներկայացումներով մասնակցել է «Մեկ ազգ, մեկ մշակույթ» համահայկական ծրագրին, մանկապատանեկան «Նռան հատիկ» (2002, 2003) և “HIGH FEST” (2003, 2004, 2006, 2007) միջազգային թատերական փառատոններին, հյուրախաղերով հանդես եկել Ֆլորենցիայի Գոլդոնիի անվան թատրոնում (2007):
|
